امریکی صدرڈونلڈ ٹرمپ نےکہاحماس کےبیان پرمیرا یقین ہےکہ وہ دیرپا امن کے لیے تیار ہیں،یرغمالیوں کی محفوظ واپسی کےلئےاسرائیل کوفوراً بمباری روک دینی چاہئے،فی الحال یہ کام کرنا بہت خطرناک ہے۔
امریکی صدرڈونلڈ ٹرمپ نےسوشل میڈیا پرپیغام میں کہایرغمالیوں کی محفوظ واپسی کےلئے اسرائیل کو فوراً بمباری روک دینی چاہئے،فی الحال یہ کام کرنا بہت خطرناک ہے،ہم تفصیلات پر بات کررہے ہیں یہ صرف غزہ کے بارے میں نہیں بلکہ مشرقِ وسطیٰ میں امن کے بارے میں ہے۔
ان کا کہنا تھاکہ آج ایک اہم پیشرفت ممکن ہوئی ہے،آج ایک بڑا اورتاریخی دن ہےجس کےنتائج جلد سامنے آئیں گے،اُن ممالک کا شکریہ جنہوں نے یہ سب ممکن بنانے میں مدد کی،ان میں سعودی عرب،قطر،مصر، اردن اور دیگر کئی ممالک شامل ہیں،سب ایک نکتے پرمتفق تھےکہ یہ جنگ ختم ہو اور امن قائم ہو،دیکھتے ہیں یہ سب کیسےنتیجہ خیز ہوتا ہے،ہم امن کےقیام کے انتہائی قریب ہیں،ہمیں اس معاہدے کو آخری شکل دینی ہے۔
