سندھ ہائیکورٹ نے اسلام آباد ہائیکورٹ کے جسٹس طارق محمود جہانگیری کی ڈگری کی منسوخ کرنے کا نوٹیفکیشن معطل کردیا۔
دوران سماعت جسٹس اقبال کلہوڑو نے ریمارکس دیئے کہ جسٹس طارق محمود جہانگیری ڈگری پر سوال اٹھائے جارہے ہیں۔ ہم کیسے کسی کی عزت کیسےداؤ پر لگاسکتے ہیں۔ کسی کی ساری زندگی کی کمائی داؤ پرلگی ہوئی ہے۔
وکلاء نے عدالت سے استدعا کی کہ ہمیں کل ہی نوٹس ملاہے ہمیں جواب کےلیے وقت درکار ہے، جسٹس اقبال کلہوڑو نے ریمارکس دیے کہ آج ہم آپکی بات مان جائیں اورکل ایکشن ہوجائے تو کون ذمہ داری لے گا؟ آپ لوگوں نے انکے خلاف ایکشن لینے سے قبل کوئی نوٹس دیا تھا؟ بعد ازاں عدالت نے ڈگری کی منسوخ کرنے کا نوٹیفکیشن معطل کرکے کیس کی مزید سماعت 24 اکتوبر کےلئے ملتوی کردی۔
