بھارت کیخلاف نصف سینچری بنانے اور منفرد انداز میں جشن منانے پر صاحبزادہ فرحان نے بیان جاری کرتے ہوئے کہا کہ پچاس رنزبنانے پر جشن کم ہی مناتا ہوں، بھارت کیخلاف ففٹی بنائی تو ایک دم ذہن میں آیا تو سیلبیریشن کی، لوگ میرے جشن کا پتہ نہیں کیا مطلب لیں گے،فرق نہیں پڑتا۔
تفصیلات کے مطابق صاحبزادہ فرحان کا کہناتھا کہ فخرزمان کے ساتھ اوپننگ کر کے مزہ آیا، فخر زمان جارحانہ کھیلتے ہیں اس سے اعتماد ملتا ہے، چھکے لگانے کیلئے کافی محنت کی ہے، انشاء اللہ سری لنکا کیخلاف میچ جیتیں گے، ٹیم کے تمام کھلاڑی اگلے میچز کیلئے پراعتماد ہیں، بھارت کیخلاف یکطرفہ میچ نہیں ہوا، آخر تک لیکرگئے، بھارت سے فائنل میں دوبارہ ملاقات ہوگی۔
