برطانوی وزیراعظم کیئراسٹارمرآج فلسطین کو ریاست تسلیم کرنے کا اعلان کریں گے۔
غیرملکی میڈیا رپورٹس کےمطابق برطانوی وزیراعظم کیئراسٹارمراتوارکو فلسطین کوریاست تسلیم کرنے کا اعلان کرسکتے ہیں،کیئراسٹارمر نے اعلان امریکی صدر کے دورہ برطانیہ کی وجہ سے مؤخر کیا۔
برطانوی میڈیا کےمطابق صدر ٹرمپ کے دورے کے باوجود لیبر پارٹی کی حکومت فلسطین کو تسلی کرنے کے فیصلے پر قائم ہے،اگلے چند روز میں حماس پر پابندیوں کا بھی اعلان کیا جاسکتا ہے۔
اسرائیلی اخبارکی جانب سے دعوی کیا گیا ہے کہ برطانوی وزیراعظم کو خدشہ تھا اعلان سے امریکی صدر اختلاف کرسکتے ہیں،کیئر اسٹارمر اقوام متحدہ اسمبلی اجلاس میں شرکت کیلئے روانگی سے قبل اعلان کر سکتے ہیں۔
دوسری جانب فرانسیسی صدرمیکرون نےسعودی ولی عہد شہزادہ محمد بن سلمان کوٹیلی فون کیا،دونوں رہنماؤں نےٹواسٹیٹ کانفرنس پرتبادلہ خیال کیا،فرانس اورسعودی عرب کی میزبانی میں ٹو اسٹیٹ کانفرنس کل اقوام متحدہ میں ہوگی،جس میں دس ممالک فلسطینی کو تسلیم کرنے کا اعلان کریں گے۔
