لاہورمیں مبینہ طورپرزہریلےدہی بھلےکھانےسے دومزدور دم توڑ گئے،جبکہ ایک کی حالت انتہائی تشویشناک ہے۔
لاہور کے علاقے ہنجروال میں مبینہ طورپرزہریلے دہی بھلے کھانے سے 2مزدورجاں بحق ہوگئے ہیں،ایک مزدور کی حالت تشویشناک بتائی جارہی ہے جسکو جناح اسپتال منتقل کردیا گیا۔
پولیس کا کہنا ہے کہ جاں بحق مزدوروں کی شناخت ارشد اور سجاد کے نام سے ہوئی،جائے وقوعہ سے کھانے کے نمونے اور دیگر شواہد اکٹھے کئے،پنجاب فوڈ اتھارٹی نے کھانے کے نمونے لیکرتفتیش شروع کردی۔
دوسری جانب ورثا کا کہنا ہےکہ کسی سے کوئی دشمنی نہیں ،جو ہوا اللہ کی رضا ہے،کسی کے خلاف کوئی کارروائی نہیں چاہتے،پوسٹ مارٹم کے بغیرمیتیں حوالے کردی جائیں۔
