سیکریٹری اسکول ایجوکیشن پنجاب کے اعدادوشمار کے مطابق سیلاب کے باعث پنجاب کے 2 ہزار 925 سرکاری اسکولز بند ہیں۔
سیکریٹری اسکول ایجوکیشن پنجاب کے مطابق ایک ہزار 151 سرکاری اسکولز سیلاب کی تباہ کاریوں سے متاثر ہوئے ۔ 817 اسکولزجزوی متاثر جبکہ 45 اسکولز مکمل تباہ ہو گئے۔ پنجاب کے 1700 سے زائد اسکولز میں فلڈ ریلیف کیمپس قائم کیے گئے۔
خالد نذیر وٹو نے کہا کہ فلڈ ریلیف کیمپس میں تبدیل اسکولز میں بھی تعلیمی سلسلہ رکا ہوا ہے ۔ سیلاب کے باعث لڑکیوں کے ایک ہزار 505، لڑکوں کے ایک ہزار 420 سرکاری اسکولز بند ہیں۔
سرکاری اسکولز میں زیر تعلیم 6 لاکھ 80 ہزار سے زائد طلبا متاثر ہوئے۔ گجرات ، ڈی جی خان ، ملتان ڈویژنز کے اسکولز کی بڑی تعداد بند ہے۔
