بانی پی ٹی آئی اور بشریٰ بی بی کے خلاف توشہ خانہ ٹو کیس میں مزید دو گواہان کی شہادتیں قلمبند کرلی گئی۔ سماعت 8 ستمبر تک ملتوی کر دی گئی۔
اسپیشل جج سینٹرل شاہ رخ ارجمند نے اڈیالہ جیل راولپنڈی میں مقدمے کی سماعت کی۔ بانی پی ٹی آئی اور بشری بی بی کو جیل سے کمرہ عدالت میں پیش کیا گیا۔ بانی پی ٹی آئی کی دو بہنیں علیمہ خان اور عظمی خان بھی کمرہ عدالت میں موجود تھیں۔
دوران سماعت پرنسپل اپریزر کسٹمز ثنا سعید اور اے ڈی سی جی ہیڈ کوارٹر عبداللہ خان کا بیان قلمبند کیا گیا۔ مقدمہ میں مجموعی طور پر 13 گواہان کی شہادت قلمبند جبکہ 11 پر جرح مکمل کی جا چکی۔ کیس کی مزید سماعت آٹھ ستمبر تک ملتوی کر دی گئی۔
