پاکستان کی معروف وی لاگر سمعیہ حجاب نے دعویٰ کیاہے کہ انہیں ایک نوجوان لڑکے کی جانب سے ہراساں کیا جارہا ہے اور کہا کہ شادی کی پیشکش مسترد کرنے پر و ہ میرے گھر پہنچ گیا، مجھے زبردستی گاڑی میں لے جانے کی بھی کوشش کی ، پولیس نے مقدمہ درج کرتے ہوئے ملزم کی تلاش شروع کر دی ہے۔
وی لاگر سمعیہ حجاب نے انسٹاگرام پر جاری ویڈیو بیان میں کہا کہ ایک حسن زاہد نامی لڑکا ہے جس کا تعلق لاہور سے ہے ، وہ مجھے گزشتہ دو سے تین ماہ سے جان سے مارنے کی دھمکیاں دے رہاہے، وہ مجھے کہتا ہے کہ مجھ سے شادی کرو، میں نے دو سے تین مرتبہ اس کی شادی کی پیشکش کو مسترد کیاہے ، اس کے بعد وہ آج شام کو میرے گھر کے باہر آیا، مجھے نہیں پتا تھا، وہ بیل بجاتا رہاہے اور میں گھر سے باہر گئی ، میں اپنی بیمار والدہ کے ساتھ گھر پر اکیلی تھی اور بھائی باہر گیا ہوا تھا، میں جیسے ہی باہر نکلی وہ میرا موبائل چھین کر گاڑی میں بیٹھ گیا، میں نے اس سے اپنا موبائل واپس لیا اور پھر وہ زبردستی مجھے گاڑی میں بٹھانے کی کوشش کر تا رہا، اس سے پہلے میری ایک دوست ثنا شادی کی پیشکش مسترد کرنے پر ماری جا چکی ہے، میں ثنا نہیں بننا چاہتی اور ان لڑکیوں میں شامل نہیں ہوناچاہتی، جو اپنے لیئے آواز نہ اٹھا سکیں۔
View this post on Instagram
