پاک فوج کا سیلاب متاثرین کیلئے کوٹ مومن میں ریلیف آپریشن جاری ہے ، پنجاب کے دیگر علاقوں کی طرح سیلابی صورتحال سے کوٹ مومن بھی شدید متاثر ہے۔
تفصیلات کے مطابق پاک فوج کے جوانوں نے گورنمنٹ ہائی سکول لکسیاں میں ریلیف کیمپ قائم کر دیاہے ، پاک فوج کے ساتھ ساتھ ضلعی انتظامیہ بھی عوام کے لئے ریلیف آپریشن میں شریک ہے ، پاک فوج اور ضلعی انتظامیہ پر مشتمل تین ریسکیو ٹیمیں مڈ رانجھا طالب والا اور ہلال پور میں تعینات ہیں ۔
ریسکیو ٹیموں میں ماہر تیراکوں کو بھی شامل کیا گیا ہے، ہر ریسکیو ٹیم کے پاس دو کشتیاں 30 لائف جیکٹس و دیگر سامان موجود ہے، سیلاب متاثرین کیلئے خیمے بھی نصب کردیئے گئے جہاں انہیں ہر طرح کی سہولیات دی جا رہی ہیں، متاثرین سیلاب نے پاک فوج کے اس جذبہ خدمت کو سراہا ہے، پاک فوج مشکل کی اس گھڑی میں عوام کے شانہ بشانہ کھڑی ہے۔
