راولپنڈی میں شوہر کے مبینہ تشدد سے بیوی جاں بحق ہوگئی، رشتہ داروں کی شکایت پر خاموشی سے تدفین کی کوشش ناکام بنادی گئی، پولیس نے شوہر کو حراست می لے لیا، پولیس نے خاتون کا پوسٹ مارٹم کروا کر کارروائی کا آغاز کردیا گیا۔
راولپنڈی کے علاقے گرجا روڈ میں مبینہ طور پر خاتون کو قتل کردیا گیا، شوہر نے اہلیہ کو مبینہ تشدد سے قتل کرکے خاموشی سے کوٹ ادو میں تدفین کی کوشش کی، لواحقین نے متوفیہ کے جسم پر تشدد کے نشانات دیکھے تو پولیس کو اطلاع کردی، جس نے لاش دوبارہ راولپنڈی منتقل کرنے کا کہا اور شوہر ک حراست میں لے لیا۔
رپورٹ کے مطابق اہل خانہ خاتون کی میت کو دوبارہ راولپنڈی لے گئے، جہاں پولیس نے مقتولہ کا پوسٹ مارٹم کروا کر قانونی کارروائی کا آغاز کردیا ہے۔
پولیس کا کہنا ہے کہ 10 اگست کو متوفیہ ثمینہ کو خاوند اور بیٹے نے اسپتال منتقل کرکے سیڑھیوں سے گرکر سر اور جسم پر چوٹیں لگنے کا بتایا، 14 اگست کو ثمینہ کے دم توڑنے پر نعش تابوت میں بند کرکے خاموشی سے کوٹ ادو لے گئے، دوران غسل خاتون کے جسم پر تشدد کے نشانات دیکھ کر مقامی پولیس کو اطلاع دی گئی۔
ایس پی صدر راولپنڈی نبیل کھوکھر کا کہنا ہے کہ ملزم کو کوٹ ادو میں پولیس نے تحویل میں لے لیا ہے، ملزم کی راولپنڈی منتقلی کے حوالے سے کوٹ ادو پولیس سے رابطہ جاری ہے، پوسٹمارٹم کی ابتدائی رپورٹ ملنے پر ملزم کیخلاف مقدمہ درج کرلیا جائے گا، واقعہ پر سی پی او راولپنڈی خالد ہمدانی نے نوٹس لیا ہے تمام معاملے کو دیکھا جارہا ہے۔
