ویسٹ انڈیز نے بارش سے متاثرہ دوسرے ون ڈے میچ میں پاکستان کو 5 وکٹوں سے شکست دے کر تین میچوں کی سیریز 1-1 سے برابر کردی۔
ٹرینیڈاڈ میں کھیلے گئے سیریز کے دوسرے میچ میں ویسٹ انڈیز نے ٹاس جیت کر پہلے فیلڈنگ کا فیصلہ کیا۔
پاکستان نے ٹیم میں تین تبدیلیاں کیں، حسن علی، محمد نواز اور ابرار احمد کو شامل کیا گیا جبکہ فہیم اشرف، صفیان مقیم اور نسیم شاہ کو آرام دیا گیا۔
بارش کی وجہ سے میچ تین بار روکا گیا اور پاکستان کی اننگز 37 اوورز تک محدود کردی گئی۔
گرین شرٹس نے 7 وکٹوں کے نقصان پر 171 رنز بنائے۔
بابر اعظم صفر، محمد رضوان 16، سلمان آغا 9، صائم ایوب 23، عبداللہ شفیق 26 اور حسین طلعت 31 رنز بناکر آؤٹ ہوئے۔
حسن نواز 36 اور شاہین آفریدی 11 رنز کے ساتھ ناٹ آؤٹ رہے۔
ویسٹ انڈیز کی جانب سے جیڈن سیلز نے 3 جبکہ روسٹن چیز، موتی، شمار جوزف اور بلیڈز نے ایک ایک وکٹ لی۔
ڈک ورتھ لوئس میتھڈ کے تحت ویسٹ انڈیز کو 35 اوورز میں 181 رنز کا ہدف ملا۔
میزبان ٹیم نے یہ ہدف 34ویں اوور میں 5 وکٹوں کے نقصان پر حاصل کرلیا۔
روسٹن چیز 49 اور جسٹن گریوز 26 رنز کے ساتھ ناٹ آؤٹ رہے۔
رتھرفورڈ نے 45، شائے ہوپ نے 32 اور کارٹے نے 16 رنز اسکور کیے۔
پاکستان کی جانب سے حسن علی اور محمد نواز نے 2،2 جبکہ ابرار احمد نے ایک وکٹ حاصل کی۔
واضح رہے کہ سیریز کے پہلے میچ میں پاکستان نے ویسٹ انڈیز کو 5 وکٹوں سے ہرایا تھا۔ اب سیریز کا فیصلہ کن تیسرا میچ منگل کو کھیلا جائے گا۔
