محکمہ صحت پنجاب نے من پسند نجی کمپنی سے بڑی تعداد میں ائیر کنڈیشنرز خرید لیے ، آڈیٹرجنرل آف پاکستان 25-2024 کی رپورٹ میں حیران کن انکشافات سامنے آگئے۔
رپورٹ کے مطابق محکمہ صحت پنجاب نے 41 کروڑ سے زائد مالیت کے 1400 اے سی خریدے جبکہ ٹینڈز میں نجی کمپنی کو فائدہ پہنچانے کیلئے خصوصیات کے حامل اے سی کی شرائط رکھی گئی اور خصوصیات پر صرف ایک ہی کمپنی پورا اترتی تھی۔
نجی کمپنی کی ہی دیگر دو کمپنیوں نے ٹینڈر میں درخواست جمع کروائی۔
تین کمپنیوں کی ٹینڈز میں حصہ لینے کی شرط پوری کرنے کیلئے نجی کمپنی کی ہی دو کمپنیوں نے درخواست دی۔
ائیر کنڈیشنرز کی خریداری نگران دور حکومت کے دوران کی گئی۔
سابق نگران وزیر صحت جمال ناصر کا موقف ہے مجھے ائیرکنڈیشنرز کی خریداری سے متعلق کوئی علم نہیں۔
