پاک بحریہ کے زیر اہتمام کراچی اور پورٹ قاسم پر دو روزہ پورٹ سیکیورٹی اور ہاربرڈیفنس مشق کا انعقاد کیا گیا جس میں پاک بحریہ کی کوسٹل کمانڈ،میری ٹائم سیکیورٹی ایجنسی،کراچی پورٹ ٹرسٹ اور دیگراداروں نے شرکت کی۔
آئی ایس پی آر کے مطابق مشق کا مقصد بحری تنصیبات کو درپیش ممکنہ خطرات کی بروقت نشاندہی ، مؤثر تدارک یقینی بنانا ، متعلقہ اداروں کی تیاری اور مشترکہ ردعمل کی صلاحیتوں کو جانچنا تھا۔ مواصلاتی صلاحیت اور کمانڈ اینڈ کنٹرول نظام کو مربوط بنانے پر خصوصی توجہ دی گئی، مشق بحری اثاثوں کے تحفظ اور تجارتی سرگرمیوں کو بلاتعطل جاری رکھنے کے عزم کی مظہرہے۔
