متحدہ عرب امارات کی وزیر مملکت ریم الہاشمی کا کہنا ہے کہ متحدہ عرب امارات پر ایرانی حملے غیر قانونی اور بلاجواز ہیں، ہم اپنا دفاع کرنے کیلئے تیار ہیں، لیکن امید ہے اس کی نوبت نہیں آئے گی۔
سی این این سے گفتگو میں متحدہ عرب امارات کی وزیر مملکت ریم الہاشمی نے کہا کہ ہم پر میزائل برستے رہے تو ہم بھی ہاتھ پر ہاتھ دھرے نہیں بیٹھیں گے، بال اب ایران کے کورٹ میں ہے، وہ فیصلہ کرے پڑوسیوں کے ساتھ کیا کرنا ہے، ایران کے پڑوسی اس کیلئےہمیشہ نہایت منصف مزاج اور اچھے رہے ہیں۔
دوسری جانب متحدہ عرب امارات کے صدارتی مشیر انور قرقاش نے کہا کہ ایران کو کہتا ہوں اپنے حواس بحال کرو، ایران کی جنگ اس کے پڑوسیوں کے ساتھ نہیں ہے۔
