امریکی حملے میں ایرانی سپریم لیڈر آیت اللہ علی خامنہ ای شہید ہوگئے،ایران نے سپریم لیڈر کی موت کا بدلہ لینے کا اعلان کردیا،بریگیڈئیر جنرل احمد واحدی پاسداران انقلاب کے نئے کمانڈر مقرر کردئیے گئے۔
ایرانی سرکاری میڈیا نےتصدیق کی ہےکہ ایرانی سپریم لیڈر آیت اللہ علی خامنہ ای امریکی حملے میں شہید ہوگئے ہیں،آیت اللہ خامنہ ای کو مشیروں سے ملاقات کے دوران نشانہ بنایا گیا،حملے کے وقت ایرانی سپریم لیڈر اپنے دفتر میں موجود تھے،انکی شہادت پرملک بھرمیں 40 روزہ سوگ اور،7 تعطیل کا اعلان کیا گیا ہے۔
امریکی حملوں میں سپریم لیڈر کی فیملی کے پانچ افراد کی شہادت کی بھی تصدیق کی گئی ہے، شہید ہونے والے فیملی ممبران میں آیت اللہ علی خامنہ ای کا بیٹا،بہو،بیٹی،داماد اورنواسی شامل ہیں۔
ایرانی میڈیا کےمطابق آیت اللہ علی خامنہ ای کےمشیرعلی شمخانی،میجرجنرل محمد پاکپوربھی امریکی اسرائیلی حملےمیں شہیدہوگئے ہیں،ایرانی فوج کے چیف آف اسٹاف عبد الرحیم موسوی شہید ہو گئے،ایران کے وزیر دفاع عزیز ناصرزادہ بھی گزشتہ روز کے حملوں میں شہید ہوئے،پولیس انٹیلی جنس چیف میجر جنرل شاہد رضائیاں بھی شہید ہوگئے،انہوں نے گزشتہ روز بمباری میں جام شہادت نوش کیا
ایرانی عوام سپریم لیڈر کی شہادت کے سڑکوں پرآگئے
ایران نےسپریم لیڈر کی موت کا بدلہ لینےکا اعلان کردیا، ایرانی پاسداران انقلاب کی جانب سے جاری بیان میں کہاگیا کہ مسلح افواج اپنے رہبر خامنہ ای کے راستے پر گامزن رہیں گی،ملک میں جارحیت کرنے والوں کو سخت سزائیں دیں گی، آیت اللہ عالی خامنہ ای کے قاتلوں سے سخت اور فیصلہ کن انتقام لیں گے۔
سپریم لیڈر کی شہادت کے بعد عبوری کونسل ایران کی قیادت کرے گی،کونسل صدر، عدلیہ کے سربراہ، شوری نگہبان کے ایک رکن پر مشتمل ہوگی۔
آیت اللہ خامنہ ای کی شہادت پر ایران کے تمام بڑے شہروں میں تعزیتی تقاریب کی جارہی ہیں،ایرانی شہری اہم اسکوائر پر جمع ہوکر ماتم کرنے میں مصروف ہیں،سپریم لیڈر کی شہادت پر شہری زار و قطار روتے رہے۔
ایرانی سپریم لیڈر آیت اللہ خامنہ ای آخری تقریر سامنے آگئی
ایرانی سپریم لیڈر نے اپنی آخری تقریرمیں کہا اے پروردگار،ہمیں شہداء کے ساتھ ملا دے اور ہمیں شہادت نصیب فرما۔
مشہد میں امام رضا کے روضے پر سیاہ پرچم لہرا دیا گیا
ایرانی میڈیا کےمطابق آیت اللہ خامنہ کی شہادت پر مشہد میں سوگ کا عالم ہے،امام رضا کے روضے پر زائرین زار و قطار رورہے ہیں
دوسری جانب آیت اللہ خامنہ ای کی شہادت پر نجف اور کربلا میں یوم سوگ،عراق کے دونوں صوبوں میں عام تعطیل کا اعلان کردیا گیا۔
