متحدہ عرب امارات میں کشیدہ حالات کے پیش نظر اسکول بند کردئیے گئے،2 سے 4 مارچ تک آن لائن کلاسز ہونگی،تعلیمی اداروں میں امتحانات بھی ملتوی کیے گئے ہیں۔
متحدہ عرب امارات کے شہر دبئی پر میزائل حملوں میں مزید 2 افراد زخمی ہوگئے،عرب میڈیا کے مطابق دبئی میں حکام نے تصدیق کی ہے کہ ڈرونز کا ملبہ 2 گھروں کے صحن میں گرا، جس سے 2 افراد زخمی ہوئے،دبئی ایئرپورٹ اور برج العرب ہوٹل کو بھی نقصان پہنچ چکا ہے
اماراتی وزارت دفاع کےمطابق ایران نے متحدہ عرب امارات پر سیکڑوں ڈرونز اور میزائل داغے،137 میزائل اور 209 ڈرونز متحدہ عرب امارات پر فائر کیے گئے،5 میزائل اور 14 ڈرونز متحدہ عرب امارات کی حدود میں گرے، باقی تمام میزائلوں اور ڈرونز کو فضا میں ہی تباہ کیا گیا،ایرانی حملوں میں ایک شخص جاں بحق اور 7 زخمی ہوئے۔
