امریکی صدر ڈونلڈ ٹرمپ نے دعویٰ کیا ہے کہ ایران کی جوہری صلاحیت کو مکمل طور پر ختم کردیا گیا ہے۔
اپنے سوشل میڈیا پلیٹ فارم 'ٹروتھ سوشل' پر جاری ایک پیغام میں ٹرمپ نے کہا کہ وہ چاہتے ہیں کہ مشرق وسطیٰ کے تمام ممالک ابراہم معاہدوں میں شامل ہوں تاکہ خطے میں پائیدار امن کو یقینی بنایا جا سکے۔
ٹرمپ نے اپنے بیان میں لکھا "ایران کے جوہری ہتھیاروں کا ذخیرہ مکمل طور پر تباہ ہو چکا ہے، جو میرے لیے انتہائی اہم ہے۔
امریکی صدر نے کہا کہ اب وقت آگیا ہے کہ مشرق وسطیٰ کے تمام ممالک ابراہم معاہدوں کا حصہ بنیں جس سے خطے میں امن کی راہ ہموار ہوگی۔
لازمی پڑھیں۔ ایران جنگ کے بعد مزید ممالک ابراہم معاہدے میں شامل ہونا چاہتے ہیں: ٹرمپ کا دعویٰ
واضح رہے کہ ابراہم معاہدے اسرائیل اور عرب ممالک کے درمیان تعلقات کو معمول پر لانے کے لیے 2020 میں ٹرمپ کی گزشتہ صدارتی مدت کے دوران شروع کیے گئے تھے۔
اس سلسلے میں متحدہ عرب امارات اور بحرین نے 2020 میں اسرائیل کے ساتھ تعلقات معمول پر لائے جبکہ بعد میں مراکش اور سوڈان نے بھی اس معاہدے پر دستخط کیے تھے۔
