میئر نیویارک ظہران ممدانی نےسان ڈیاگو کے اسلامک سینٹر پر فائرنگ کے واقعے کی شدید مذمت کرتے ہوئے اسےمسلمانوں کے خلاف نفرت پر مبنی حملہ قرار دیا ہے۔
اپنےبیان میں ظہران ممدانی نے کہا کہ سان ڈیاگو کےاسلامی مرکز پر حملےکی خبر سن کر شدید صدمے میں ہوں،میری ہمدردیاں متاثرین کے اہلِخانہ کے ساتھ ہیں۔
انہوں نےکہاکہ ابتدائی اطلاعات کےمطابق یہ واقعہ مسلمانوں کےخلاف نفرت انگیزی کا نتیجہ معلوم ہوتا ہے،اسلاموفوبیا ملک بھرمیں مسلم کمیونٹی کو خطرے میں ڈال رہا ہے۔
میئرنیویارک نےکہاکہ اسلاموفوبیا کا براہِ راست مقابلہ کرناہوگا اور خوف و تقسیم کی سیاست کے خلاف متحد ہوکرکھڑا ہونا ضروری ہے،نیویارک میں مساجد اور اسلامی مراکز کےباہر پولیس کی نفری بڑھائی جا رہی ہےتاکہ سیکیورٹی کو یقینی بنایا جا سکے۔
