قومی اسمبلی کا اجلاس آج شام 5 بجے ہو گا۔ جس کا 32 نکاتی ایجنڈا جاری کر دیا گیا ہے۔
اسپیکر ایاز صادق کی زیر صدارت ہونیوالے اجلاس میں اسلام آباد کے زیر زمین پانی کی شدید قلت پر وزارت داخلہ سے متعلق توجہ دلاؤ نوٹس پیش کیا جائے گا۔
پاکستان شہریت ایکٹ میں ترمیم کا بل، ملک میں موٹر گاڑیوں کی صنعت کے فروغ سے متعلق بل ایوان میں منظوری کیلئے پیش کئے جائیں گے۔
وفاقی دارالحکومت اتھارٹی اور غذائی تحقیق و ترقی سے متعلق دو آرڈیننس قومی اسمبلی میں پیش ہوں گے، مختلف کمیٹیوں کی رپورٹس بھی ایوان کے سامنے رکھی جائیں گی۔
آسان کاروبار بل کے تحت پاکستان ریگولیٹری رجسٹری اور پاکستان بزنس پورٹل کے قیام کی تجاویز بھی ایجنڈے کا حصہ ہیں۔ صدر مملکت کے 10 مارچ 2025 کے پارلیمنٹ کے مشترکہ اجلاس سے خطاب پر اظہار تشکر کی قرارداد پر بحث سمیت مختلف توجہ دلاؤ نوٹسز اور منظوری کیلئے دیگر بلز اور ترامیم پیش کرنا بھی ایجنڈے کا حصہ ہے۔
