پاکستان کے رئیل اسٹیٹ سیکٹر میں ایک اہم پیش رفت سامنے آئی ہے جہاں ParkView City نے United Bank Limited کے ساتھ مل کر پلاٹس اور اپارٹمنٹس کیلئے باقاعدہ مارگیج فنانسنگ متعارف کرانے کا اعلان کیا ہے۔
معاہدے کے تحت خریدار تقریباً 20 سے 25 فیصد ڈاؤن پیمنٹ ادا کر کے بینک فنانسنگ حاصل کر سکیں گے جبکہ باقی رقم یو بی ایل لیزنگ اسٹرکچر کے ذریعے فراہم کرے گا، جسےآسان ماہانہ اقساط میں ادا کیا جا سکے گا۔
یہ مارگیج فنانسنگ سہولت پارک ویو سٹی اسلام آباد اور پارک ویو سٹی لاہور دونوں منصوبوں کے خریداروں کیلئے دستیاب ہوگی۔
اس اقدام کو پاکستان کے متوسط طبقے کیلئے ایک اہم پیش رفت قرار دیا جا رہا ہے کیونکہ اس کے ذریعے گھر خریدنے کے خواہشمند افراد مکمل رقم یکمشت ادا کرنے کے بجائے باقاعدہ بینکاری نظام کے ذریعے پراپرٹی حاصل کر سکیں گے۔ اس ماڈل کے تحت اپارٹمنٹ خریدار کرائے کی آمدن بھی حاصل کر سکتے ہیں جسے وہ اپنی بینک اقساط کی ادائیگی کیلئے استعمال کر سکیں گے۔
اس موقع پر پارک ویو سٹی کے وائس چیئرمین عبدالرحمان خان نے کہا کہ یہ شراکت داری گھر کی ملکیت کو زیادہ قابلِ رسائی بنانے کیلئے ایک اہم قدم ہے اور اس کے ذریعے منظم مارگیج حل فراہم کیے جا سکیں گے۔
پارک ویو سٹی کے کنٹری ہیڈ نعیم وڑائچ کا کہنا تھا کہ یہ اقدام پاکستان کے رئیل اسٹیٹ سیکٹر کیلئے گیم چینجر ثابت ہو سکتا ہے اور اس سے جائیداد میں سرمایہ کاری کرنے والوں کے اعتماد میں بھی اضافہ ہوگا۔
