وفاقی وزیرخزانہ کی زیرصدارت پیٹرولیم پرائسز مانیٹرنگ کمیٹی کا اجلاس ہوا جس دوران ضرورت پڑنے پر ایندھن بچت کے اقدامات نافذ کرنے پر غور جبکہ ذخیرہ اندوزی اور اسمگلنگ کے خلاف سخت کارروائی کا فیصلہ کیا گیاہے ۔
وزیر خزانہ نے کہا کہ کمیٹی کل سفارشات وزیراعظم کو پیش کرے گی،روزانہ کی بنیاد پر صورتحال کی مانیٹرنگ کی جا رہی ہے۔بریفنگ میں بتایا گیا کہ ملک میں پیٹرولیم مصنوعات کے وافر ذخائر موجود ہیں، عالمی منڈی میں تیل کی قیمتوں میں اتار چڑھاؤ جاری ہے، ہنگامی پریمیم اور مہنگے کرایوں سے دباؤ کا خدشہ ہے۔
حکومت نے ملک میں تیل کی سپلائی متاثر نہ ہونے دینے کے عزم کا اظہار کیا اور متبادل راستوں سے تیل درآمد کرنے کے اقدامات کا جائزہ لیا گیا ۔وزارت خزانہ کے مطاابق صوبوں اور اوگرا کی جانب سے مشترکہ نگرانی جاری ہے، ایل این جی اور ایل پی جی کی صورتحال کا بھی جائزہ لیا گیا۔
