لکی مروت میں مارٹر گولہ پھٹنے سے 5 بچے جاں بحق اور مرد و خواتین سمیت 13 افراد زخمی ہوگئے۔
لکی مروت میں تھانہ صدر کی حدود سوربند لنگر خیل میں مارٹر گولہ پھٹنے سے 5 بچے جاں بحق ہوگئے ہیں۔ ریسکیو ذرائع کے مطابق بچوں کو باہر ویرانے سے مارٹر گولہ ملا، جسے وہ گھر لے آئے، کھیل کے دوران گولہ پھٹ گیا۔
ریسکیو ذرائع کے مطابق جاں بحق افراد میں 4 بچیاں اور ایک بچہ شامل ہیں، دھماکے سے گھر میں موجود مرد و خواتین سمیت 13 افراد زخمی بھی ہوئے۔، جنہیں اسپتال منتقل کردیا گیا ہے۔
واقعے کے بعد پولیس کی بھاری نفری علاقے میں پہنچ گئی، واقعے کی تحقیقات شروع کردی گئی ہیں۔
