امریکی وزیر خزانہ اسکاٹ بیسنٹ نے بھارت کے ساتھ تجارتی تعلقات اور اس پر عائد کیے جانے والے 25 فیصد ٹیرف کے حوالے سے اہم بیان دیا ہے۔
اپنے بیان میں اسکاٹ بیسنٹ نے کہا کہ بھارت عالمی سطح پر کوئی بڑا کردار ادا نہیں کر رہا جس سے امریکی تجارتی ٹیم مایوس ہے۔
بیسنٹ نے کہا کہ بھارت کے ساتھ تجارتی معاملات سے متعلق فیصلہ اب خود بھارت کو کرنا ہے۔
یہ بیان امریکی صدر ڈونلڈ ٹرمپ کے اعلان کے بعد سامنے آیا ہے جس میں انہوں نے یکم اگست سے بھارتی مصنوعات پر 25 فیصد درآمدی ٹیکس عائد کرنے کی بات کی تھی۔
اس اقدام کو امریکی تجارتی پالیسی میں ایک سخت قدم کے طور پر دیکھا جا رہا ہے جو امریکا اور بھارت کے تعلقات میں کشیدگی کا باعث بن سکتا ہے۔
بیسنٹ نے واضح کیا کہ امریکی انتظامیہ بھارت کے ساتھ تجارت کے حوالے سے بات چیت کے لیے تیار ہے لیکن فیصلہ بھارت کی پالیسیوں اور اقدامات پر منحصر ہے۔
