بھارتی اداکارہ نندنی کشیپ کو ہٹ اینڈ رن کیس میں گرفتار کرلیا گیا، گوہاٹی میں ان کی گاڑی سے زخمی ہونیوالا 22 سالہ نوجوان سمیع الحق دوران علاج زخموں کی تاب نہ لاتے ہوئے چل بسا۔
غیر ملکی میڈیا رپورٹ کے مطابق بھارتی پولیس نے آسامی اداکارہ نندنی کشیپ کو ایک المناک سڑک حادثے کے سلسلے میں پوچھ گچھ کیلئے گرفتار کرلیا ہے، حادثے میں نلباری پولی ٹیکنک کے طالب علم 22 سالہ سمیع الحق زندگی کی بازی ہار گئے، پولیس نے اداکارہ کی گرفتاری کی تصدیق کردی تاہم کوئی سرکاری بیان جاری نہیں کیا۔
ذرائع نے بتایا کہ نندنی کشیپ یخلاف بی این ایس کی دفعہ 105 (قتل عمد) کے تحت مقدمہ درج کرلیا ہے، امکان ہے کہ انہیں جلد کامروپ (میٹرو) چیف جوڈیشل مجسٹریٹ (سی جے ایم) کی عدالت میں پیش کیا جائے گا۔
بھارتی میڈیا کے مطابق دیسپور پولیس نے نندنی کشیپ کو منگل کی رات شمالی گوہاٹی میں راجدھانی تھیٹر کی ریہرسل سائٹ سے حراست میں لیا، اس کے بعد انہوں نے اسے پوچھ گچھ کیلئے پولیس اسٹیشن منتقل کردیا، اداکارہ کو باضابطہ طور پر گرفتار نہیں کیا گیا۔
حکام نے واضح کیا کہ انہوں نے نندنی کشیپ کو مبینہ ہٹ اینڈ رن کیس کی جاری تحقیقات کے حصے کے طور پر حراست میں لیا۔
