لاہور میں آن لائن ٹیکسی سروس ایپ کےذریعے لوٹ مار کرنے والا نیٹ ورک بے نقاب ہوگیا۔
پولیس نے آن لائن ایپ سے لوٹ مار میں ملوث گروپ کےچار ارکان کو گرفتارکرلیا،سوفٹ ویر آپریٹرہی نیٹ ورک کا ماسٹرمائنڈ نکلا،گرفتار ملزمان میں فرحان،کاشف،فیصل اور ولید شامل ہیں،جن کے خلاف مقدمہ درج کرلیا گیا ہے۔
پولیس کا کہنا ہےکہ مرکزی ملزم فرحان ایپ آفس میں سوفٹ ویرآپریٹرکےطورپر کام کرتا تھا،ملزم نے3 ساتھیوں کوجعلی اکاؤنٹ بناکردیئے۔جعلی اکاؤنٹ کے ذریعے ملزمان شہریوں کی کوریئر کی گئی اشیاء چوری کرفرار ہوجاتے۔
پولیس کےمطابق ملزمان ان ڈرائیوایپ پرجعلی اکاؤنٹ بناکر لاکھوں مالیت کی اشیاء لوٹ چکے ہیں،ملزمان سےلاکھوں مالیت کےچوری شدہ کپڑے، الیکٹرانکس اشیاء اور2 پستول برآمد کیے گئے ہیں۔
