سعودی وزیر خارجہ شہزادہ فیصل بن فرحان نے فلسطین کے دو ریاستی حل کے لیے 28 اور 29 جولائی کو نیویارک میں اقوام متحدہ کی زیر نگرانی ایک اہم کانفرنس کے انعقاد کا باقاعدہ اعلان کیا ہے۔
شہزادہ فیصل نے سوشل میڈیا پر اپنے پیغام میں کہا کہ سعودی قیادت مشرق وسطیٰ میں دیرپا امن کے قیام کے لیے پرعزم ہے اور یہ کانفرنس عالمی قراردادوں پر عملدرآمد کی راہ ہموار کرے گی جو خطے میں امن و استحکام کا باعث بنے گی۔
Foreign Minister HH Prince @FaisalbinFarhan: The Implementation of the Two-State Solution Conference reflects the Kingdom’s firm stance on the Palestinian issue and its efforts to achieve a just and comprehensive peace. pic.twitter.com/uU3UoYi6Vi
— Foreign Ministry 🇸🇦 (@KSAmofaEN) July 27, 2025
انہوں نے مزید کہا کہ یہ کانفرنس فلسطین کے حوالے سے سعودی عرب کے دیرینہ موقف کے مطابق ہے اور اس سے خطے میں امن کے امکانات روشن ہوں گے۔
لازمی پڑھیں۔ اسحاق ڈار اور ایرانی وزیر خارجہ کا رابطہ،غزہ بحران پر گفتگو
تاہم، امریکا اور اسرائیل نے اس کانفرنس کے بائیکاٹ کا اعلان کیا ہے جس سے اس اہم عالمی فورم پر تنازعات کی شدت میں اضافے کا خدشہ ہے۔
پاکستان اور ایران
دوسری جانب پاکستان نے مسئلہ فسلطین پر نیویارک میں بین الاقوامی کانفرنس کی کامیابی کی امید کا اظہار اور فلسطینی عوام کیلئے غیر متزلزل حمایت کا اعادہ کیا ہے۔
نائب وزیراعظم اور وزیر خارجہ اسحاق ڈار نے ایرانی وزیر خارجہ عباس عراقچی کو فون کرکے غزہ کے سنگین انسانی بحران پر گفتگو بات کی ۔
اسحاق ڈار نے غزہ میں بلا روک ٹوک امداد کی فراہمی پر زور دیتے ہوئے کہا امید ہے دو ریاستی حل پر ہونے والی نیویارک کانفرنس بامعنی ہوگی۔
دونوں رہنماؤں نے ایران کے اعلیٰ سطح کے مجوزہ دورہ پاکستان پر بھی تبادلہ خیال کیا۔
