سماء نیوز کے پریذنٹ اور سینئرصحافی ندیم ملک نے ادارے سے متعلق گردش کرنے والی افواہوں کو مسترد کرتے ہوئے واضح کیا ہے کہ فروخت سے متعلق تمام قیاس آرائیاں بے بنیاد ہیں۔ چیئرمین عبدالعلیم خان کی قیادت میں سماء نیوز نہ صرف اپنا سفر کامیابی سے جاری رکھے ہوئے ہے بلکہ میڈیا انڈسٹری میں ترقی کی نئی راہیں کھول رہا ہے۔
سماء نیوز انتظامیہ کے مطابق، گزشتہ چار سالوں کے دوران ادارے کے ملازمین کو 9 بونس دیے جا چکے ہیں، جبکہ ہر سال تنخواہوں میں نمایاں اضافہ کیا جاتا رہا ہے۔ چیئرمین عبدالعلیم خان اس سلسلے کو برقرار رکھنے کا پختہ عزم رکھتے ہیں اور اس کا اظہار وہ مینجمنٹ کی مینٹنگ میں کرتے رہے ہیں۔
ادارے میں بہترین خدمات انجام دینے والے تمام ملازمین کو آنے والے دنوں میں ترقی بھی دی جائے گی جس کیلئے کارکردگی کا جائزہ لینا شروع کر دیا گیاہے ۔
گزشتہ چار سالوں کے دوران ادارے میں کم سے کم تنخواہ لینے والے ملازمین کی تنخواہوں میں خاطر خواہ اضافہ کیا گیا اور ملازمین کی کم سے کم تنخواہ 50 سے 60 ہزار تک پہنچ چکی ہیں۔
سماء نیوز ادارے کے ملازمین اور ناظرین کے اعتماد کو اپنی سب سے بڑی طاقت سمجھتا ہے اور ملکی و بین الاقوامی سطح پر ذمہ دارانہ صحافت کا سفر مزید بھرپور انداز میں جاری رکھے گا۔
سماء نیوز نے نہ صرف بھارت کی جارحیت کو عالمی سطح پر بے نقاب کیا بلکہ حقائق پر مبنی صحافت اور اعلیٰ صحافتی اقدار کو فروغ دیتے ہوئے اپنی الگ شناخت قائم کی ہے۔
