میلسی کے علاقے اللہ رکھا کالونی میں برہنہ ہو کر چوری کی واردتیں کرنے والا شخص پھر سرگرم ہو گیاہے ، معروف تاجر کے گھر بڑی چوری کی واردات میں 30 تولے سونا اور 10 لاکھ روپے نقدی لے اڑا۔ واردات کے بعد علاقے میں خوف و ہراس پھیل گیا ہے جبکہ متاثرہ تاجر کا کہنا ہے کہ پولیس کو اطلاع دینے کے باوجود تاحال کوئی قانونی کارروائی عمل میں نہیں لائی گئی۔
ننگا چور ماضی میں بھی متعدد وارداتیں کر چکا ہے، شہریوں کا کہنا ہے کہ امن و امان کی بگڑتی صورتحال نے میلسی کو غیرمحفوظ بنا دیا ہے اور پولیس کی خاموشی عوام کیلئے مزید پریشانی کا باعث بن رہی ہے۔
علاقہ مکینوں نے اعلیٰ حکام سے مطالبہ کیا ہے کہ ننگے چور کو فوری گرفتار کر کے قانون کے کٹہرے میں لایا جائے اور شہریوں کو تحفظ فراہم کیا جائے۔
