اسلامی تعاون تنظیم نے عالمی عدالت سے اسرائیل کے جنگی جرائم کی شفاف تحقیقات کا مطالبہ کردیا۔
جدہ میں غزہ سے متعلق اسلامی تعاون تنظیم کی ایگزیکٹوکمیٹی کے اجلاس کا اعلامیہ جاری کردیا گیا، اعلامیےمیں غزہ میں اسرائیلی جارحیت کی مذمت کی گئی اور فلسطینیوں سے یکجہتی کا اظہار کیا گیا۔
اعلامیےمیں عالمی برادری سےمطالبہ کیاگیا غزہ میں فوری جنگ بندی کی جائے،اقوام متحدہ عملی اقدامات کرے،صیہونی حکومت کو انصاف کے کٹہرے میں لایا جائے۔
اعلامیےمیں انسانی امداد کی بلا روک ٹوک فراہمی کو یقینی بنائیں اور اسرائیلی محاصرہ ختم کرایا جائے، مسئلہ فلسطین کا پائیدارحل صرف دو ریاستی حل ہے،اسلامی ممالک اسرائیلی مظالم کو عالمی سطح پر بے نقاب کریں۔
