سرکاری ڈسکوز کے صارفین کیلئے بجلی سستی ہونے کا امکان ہے۔ سی پی پی اے نے جون کی فیول ایڈجسٹمنٹ کی مد میں 65 پیسے فی یونٹ کمی کی درخواست نیپرا میں جمع کروادی۔
سرکاری ڈسکوز کے بجلی صارفین کیلئے ایک ماہ کیلئے بجلی 65 پیسے فی یونٹ تک سستی ہونے کا امکان ہے۔ سی پی پی اے نے یہ درخواست جون کی ماہانہ فیول ایڈجسٹمنٹ کی مد میں دی ہے۔
نیپرا 30 جولائی کو سی سی پی اے کی درخواست پر باقاعدہ سماعت کرے گا، ماہ جون میں پن بجلی کی پیداوار بڑھنے سے بجلی کی پیداواری لاگت میں کمی آئی۔
نیپرا کے مطابق جون میں 39 فیصد بجلی پن بجلی سے پیدا کی گئی، مقامی اور درآمدی کوئلے سے مجموعی طور پر 20 فیصد جبکہ درآمدی آر ایل این جی سے 16 فیصد بجلی حاصل کی گئی۔
