پاکستان کرکٹ بورڈ نے ڈومیسٹک سیزن کیلئے 3 درجاتی ڈیپارٹمنٹل کرکٹ اسٹرکچر متعارف کروادیا، تاریخ میں پہلی بار گریڈ تھری ٹورنامنٹ بھی کھیلا جائے گا، گریڈ تھری کی ٹاپ 2 ٹیمیں گریڈ 2 اور گریڈ 2 کی دو ٹاپ ٹیمیں گریڈ ون کھیل سکیں گی۔
پی سی بی نے ڈومیسٹک سیزن کیلئے 3 درجاتی ڈیپارٹمنٹل کرکٹ اسٹرکچر متعارف کروا دیا۔ گریڈ ون اور ٹو کے بعد ڈیپارٹمنٹل کرکٹ کی تاریخ میں پہلی دفعہ گریڈ تھری ٹورنامنٹ بھی کھیلا جائے گا۔
پی سی بی کے مطابق گریڈ ون میں 8 ڈیپارٹمنٹل کرکٹ ٹیمیں نومبر دسمبر میں ون ڈے کپ کھیلیں گی جبکہ فرسٹ کلاس ٹورنامنٹ پریذیڈنٹ ٹرافی دسمبر اور جنوری میں کھیلی جائے گی۔
رپورٹ کے مطابق گریڈ ٹو میں اس بار صرف 14 ٹیمیں حصہ لیں گی، جن میں 12 گزشتہ ٹورنامنٹ سے جبکہ 2 گریڈ ون کی ریلیگیٹڈ ٹیمیں شامل ہوں گی، پریذیڈنٹ ٹرافی گریڈ ٹو ٹورنامنٹ مارچ سے مئی 2026ء میں کھیلا جائے گا۔
پی سی بی کے مطابق ہر سال گریڈ 3 کی ٹاپ 2 ٹیمیں گریڈ 2 میں جگہ بنا سکیں گی جبکہ گریڈ 2 کی چیمپئن ٹیم گریڈ ون کیلئے کوالیفائی کرے گی۔
ڈائریکٹر ڈومیسٹک کرکٹ عبداللہ خرم نیازی کا کہنا ہے کہ ڈیپارٹمنٹل کرکٹ کی درجہ بندی سے 40 سے زائد ڈیپارٹمنٹ بہترین کرکٹ کھیلیں گے، پاکستان کرکٹ بورڈ ڈومیسٹک کرکٹ کی بہتری اور 4 ڈیپارٹمنٹل کرکٹ ٹورنامنٹ منعقد کروانے میں مدد کرنے پر تمام ڈیپارٹمنٹس کا شکر گزار ہے۔
