مسلم لیگ ن کے رہنمارانا ثنا اللہ نے کہا ہے کہ معیشت کی بحالی کےلئے مائنس نو مئی پی ٹی آئی والوں سے بات چیت کےلئے تیار ہیں، مجھےیقین تونہیں لیکن شبہ ہےعمران خان کو جیل میں دوائی مل رہی ۔
ماڈل ٹائون لاہور میں میڈیا سے گفتگو کرتے ہوئے رانا ثنا اللہ نے کہا کہ نوازشریف کے انتخابات میں حصہ لینے پر کوئی قانونی رکاوٹ نہیں ہے، اور وہ ضمنی نہیں بلکہ جنرل نشست پر الیکشن لڑیں گے،نوازشریف جلدچوہدری شجاعت سمیت دیگرسیاسی جماعتوں کے قائدین سے ملاقاتیں کریں گے۔
یہ بھی پڑھیں :۔سانحہ 9 مئی میں ملوث افراد کو الیکشن لڑنے کی اجازت کوئی نہیں دے سکتا، رانا ثناء اللہ
سابق وزیر داخلہ نے کہا کہ ہاتھی کے پائوں میں سب کا پائوں ہے،نوازشریف قائد ہیں اور قائدرہیں گے، شہبازشریف پارٹی صدر رہیں گے، آصف زرداری کوحق ہےکہ لاہورکے وزیراعظم کا راستہ روکیں اورلاڑکانہ کےوزیراعظم کی راہ ہموارکریں۔
رانا ثنا اللہ نے کہا کہ فرح گوگی کرپشن دو جمع دو والا معاملہ ہے، پہلے بھی ثبوت عوام کے سامنے رکھے،فرح گوگی کو بیرون ملک سے واپس لانے کا ملکی و غیر ملکی قانونی طریقہ کار ہے ،اس پر تحقیقاتی ادارے کام کررہے ہیں۔
