تحریک انصاف کے رہنما شیخ وقاص اکرم نے اپنی ہی پارٹی کے سابق وفاقی وزیر فوادچوہدری کے خلاف ایک ارب روپے ہرجانے کا دعویٰ دائر کردیا ہے ۔
شیخ وقاص اکرم نے فواد چوہدری کے خلاف ایک ارب روپے ہرجانے کا دعویٰ ڈسٹرکٹ اینڈ سیشن کورٹ اسلام آباد دائر کیا ہے ۔ درخواست میں مؤقف اپنایا گیا ہے کہ فواد چوہدری کی جانب سے سوشل میڈیا پر جھوٹی اور توہین آمیز بیان بازی سے ان کی ساکھ متاثر ہوئی ہے۔
شیخ وقاص کا کہنا ہے وہ ایک عزت دار شہری اور عوام کا منتخب نمائندہ ہیں، اس لیے ان کی ساکھ کو نقصان پہنچانے پر قانونی کارروائی ناگزیر ہے۔ ایڈیشنل سیشن جج سہیل شیخ نے درخواست پر ابتدائی دلائل بارہ جولائی کو طلب کر لیے ہیں ۔
