امریکی ریاست ٹیکساس میں شدید بارشوں کے بعد سیلاب نے تباہی مچادی۔
مقامی حکام نے بتایا کہ ٹیکساس میں گوادالوپے دریا کے کنارے شدید بارشوں کے نتیجے میں اچانک سیلاب آ گیا، مختلف حادثات میں ہلاکتوں کی تعداد 50 سے زائد ہوگئی۔ مرنے والوں میں 15 بچے بھی شامل ہیں۔
رپورٹ کے مطابق سمرکیمپ سے 27 لڑکیوں سمیت کئی افراد تاحال لاپتہ ہیں۔ متاثرہ علاقوں سے ساڑھے 800 سے زائد افراد کو ریسکیو کرلیا گیا۔
امریکی صدرکا کہنا ہے ٹرمپ انتظامیہ ٹیکساس انتظامیہ کے ساتھ مل کرکام کررہی ہے، میلانیا اور میں سانحے سے متاثرہ ہونے والے تمام خاندانوں کے لیے دعاگو ہیں۔
وزیراعظم محمد شہباز شریف نے طوفانی سیلاب میں قیمتی جانوں کے ضیاع پر گہرے دکھ وافسوس کا اظہار کیا ہے۔
ایک بیان میں وزیراعظم نے ٹیکساس میں طوفانی سیلاب سے قیمتی جانوں کے ضیاع پر گہرے رنج و غم کا اظہار کرتے ہوئے امید ظاہر کی ہے کہ ریسکیو ٹیمیں فلڈ میں پھنسے لوگوں کی جانیں بچانے میں کامیاب ہوں گی۔
