اسلام آباد ہائیکورٹ ججز کی ماہ جون کی کارکردگی رپورٹ جاری کردی گئی۔
ماہ جون کی ججز کارکردگی رپورٹ کےمطابق اسلام آباد ہائی کورٹ نےجون کےدوران مجموعی طور پر 985 مقدمات نمٹائے،جسٹس انعام امین منہاس 313 مقدمات نمٹا کرسرفہرست رہے،جسٹس محسن اخترکیانی اور جسٹس اعظم خان نے 125 ،125 کیسز کے فیصلے کئے ۔
رپورٹ کے مطابق چیف جسٹس سرفراز ڈوگر بانوے مقدمات نمٹا کر تیسرے نمبر پر رہے،جسٹس محمد آصف نے 66 اورجسٹس ثمن رفعت امتیاز نے 58 کیسز نمٹائے،جسٹس ارباب محمد طاہر نے 46 ،جسٹس طارق جہانگیری اور جسٹس خادم حسین سومرو نے 45، 45مقدمات نمٹائے،جسٹس بابر ستار نے 41 اور جسٹس سردار اعجاز اسحاق خان نے سب سے کم 82مقدمات کے فیصلے کئے ۔
