جنوبی وزیر ستان اپر میں 3 جولائی کو صبح 6 بجے سے شام 7 بجے تک مکمل کرفیو نافذ کر دیا گیاہے جس کے تحت تمام تحصیلوں میں نقل و حرکت پر پابندی عائد ہو گی ۔
تفصیلات کے مطابق تاؤدہ چینہ تا مکین، سراروغہ، کوٹکئی اور سپینکئی روٹس مکمل سیل کر دیئے گئے ہیں، مکین تا کانیگرم اور شیر وانگی تک آمدورفت ممنوع ہے ۔ عزیز آباد چوک سے شین وارسک، مولا خان سرائے اور چگملائ کو بھی بند کر دیا گیاہے ۔
نوٹیفکیشن میں کہا گیاہے کہ ایمرجنسی سفر صرف اجازت، شناختی کارڈ اور دستاویزات کے ساتھ ممکن ہوگا ، سیکیورٹی فورسز کی گاڑی دیکھ کر گاڑی کو 100 میٹر دور کھڑی کیاجائے، ڈی آئی خان اور ٹانک سے سفر کرنے والے احتیاط کریں، عوام سے امن و امان کے لیے مکمل تعاون کی اپیل ہے ۔
