صوبہ پنجاب میں سموگ کی خراب صورتحال کے پیش نظرآٹھ شہروں میں جزوی لاک ڈاؤن لگادیاگیا۔
محکمہ صحت کی جانب سے جاری نوٹیفکیشن کے مطابق لاہور سمیت پنجاب کے سات شہروں میں چار روز مارکیٹیں بند رہیں گی، دیگر شہروں میں شیخوپورہ، ننکانہ صاحب، قصور، گوجرانوالہ، حافظہ آباد اور نارووال شامل ہیں ۔
یہ بھی پڑھیں :۔لاہور میں اسموگ سےشہریوں کو آنکھوں کی جلن اور پانی بہنے کی شکایات کا سامنا
نوٹیفکیشن کے مطابق کے مطابق مارکیٹ، شاپنگ مالز، ریسٹورنٹس، جمنزیم، تمام تعلیمی ادارے بند رہیں گے،اس دوران پبلک اور پرائیوٹ ٹرانسپورٹ سے ان شہروں میں لوگوں کی نقل و حمل بھی محدود ہوگی۔
محکمہ صحت کے مطابق فارمیسز، میڈیکل سٹورز، ویکسی نیشن سنٹرز، پٹرول پمپس، تیل کے ڈپو،تندور، بیکریز، گروسری سٹورز، کریانہ سٹور ، ڈیری شاپس، سویٹ شاپس، پھل و سبزیوں کی دُکانیں معمول کے مطابق کھلیں گے ۔
یہ بھی پڑھیں :۔لاہور میں اسموگ کا باعث بننے والی چودہ فیکٹریوں کو سیل کردیا
اس کے علاوہ چکن شاپس، میٹ شاپس، ای کامرس، پوسٹل، کوریئر سروس کے دفاتر کھلے رہیں گے جبکہ بڑے ڈیپارٹمنٹل سٹورز میں گروسری اور میڈیکل سیکشن کے علاوہ باقی سروسز بند ہوں گی ۔
