خیبر پختونخوا کے ضلع چترال میں واقع دنیا کے بلند ترین شندور پولو گراؤنڈ میں سالانہ پولو فیسٹیول 20 جون سے منعقد ہوگا۔
وزیراعلیٰ خیبرپختونخوا علی امین گنڈا پور نے شندور پولو فیسٹیول کی تاریخ مقرر کردی، شندور پولو فیسٹیول 20 سے 22 جون تک اپر چترال میں منعقد ہوگا۔
ہر سال منعقد کیا جانے والا شندور میلہ انتہائی اہمیت کا حامل ہے، جو 7 ہزار میٹر سے زائد کی بلندی پر منعقد ہوتا ہے۔ سالانہ پولو فیسٹیول میں چترال لوئر و چترال اپر کی ٹیمیں گلگت بلتستان کی ٹیموں سے مدمقابل ہونگی۔
واضح رہے کہ گزشتہ سال خیبر پختونخوا حکومت نے خراب موسمی صورتحال کے پیش نظر شندور پولو فیسٹیول منسوخ کر دیا تھا تاہم رواں سال ہونے والے شندور پولو فیسٹیول کیلئے پیشگی انتظامات شروع کر دئیے گئے ہیں۔
