مشہور ڈرامہ سیریل 'میرے پاس تم ہو' میں رومی کا کردار ادا کرنے والے چائلڈ ایکٹر سجاد گل کی سکرین پر واپسی نے مداحوں کو حیران کردیا۔
پاکستانی فلم اور ٹی وی انڈسٹری کے صفِ اول کے اداکار ہمایوں سعید، عائزہ خان اور عدنان صدیقی نے 2019 میں ڈرامہ سیریل "میرے پاس تم ہو"میں اپنی بہترین اداکاری کے ذریعے اس ڈرامے کو کامیاب بنا دیا، جس کے بعد اسکا شمار پاکستانی ڈرامہ انڈسٹری کے کامیاب ترین پروجیکٹس میں ہوتا ہے۔
View this post on Instagram
مقبول ڈرامہ سیریل “میرے پاس تم ہو” میں رومی کا کردار ادا کرنے والے چائلڈ ایکٹر سجاد گل ایک طویل وقفے کے بعد دوبارہ اسکرین پر نظر آئے ہیں، جس پر مداحوں نے خوشی اور حیرت کا اظہار کیا ہے۔
View this post on Instagram
سجاد گل نے میرے پاس تم ہو میں ہمایوں سعید اور عائزہ خان کے بیٹے کا کردار ادا کیا تھا، جسے ناظرین کی جانب سے بے حد سراہا گیا تھا اور انکی معصوم اداکاری کو خاص طور پر پسند کیا گیا۔
اب وہ نئے ڈرامہ سیریل “ہم رائی” میں ایک نئے انداز کے ساتھ نظر آ رہے ہیں، جہاں وہ ایک پٹھان بچے کا کردار نبھا رہے ہیں۔ اس نئے پروجیکٹ میں وہ اداکار دانش تیمور کے ساتھ اسکرین شیئر کر رہے ہیں۔
View this post on Instagram
عمر میں اضافے کے ساتھ سجاد گل کی اداکاری کو مداحوں کی جانب سے مثبت ردعمل مل رہا ہے، اور سوشل میڈیا پر انہیں خوب سراہا جا رہا ہے۔
