بھارتی ٹی ٹوئنٹی ٹیم کے سابق کپتان سوریا کمار یادیو نے کپتانی سے ہٹائے جانے اور اسکواڈ سے باہر کیے جانے کے فیصلے پر پہلی مرتبہ ردعمل دیتے ہوئے اپنی خاموشی توڑ دی۔
ممبئی میں ایک مقامی میچ کے ٹاس کے موقع پر گفتگو کرتے ہوئے انہوں نے کسی ناراضی کے بجائے نئے کپتان شریاس ائیر کے لیے نیک خواہشات کا اظہار کیا،کہا کہ شریاس کے ٹی ٹوئنٹی ٹیم کی قیادت سنبھالنے پر خوش ہوں۔
انہوں نےمزیدکہاکہ انہوں نےممبئی میں ایک ساتھ کرکٹ کھیلی ہےاوریہ بات دلچسپ ہےکہ بھارت کے پچھلے تین ٹی ٹوئنٹی کپتان روہت شرما، وہ خود، اور اب شریاس ائیر سب کا تعلق بھی ایک ہی شہر سے ہے۔
واضح رہے کہ چیف سلیکٹر اجیت اگرکر نے پریس کانفرنس میں بتایا تھا کہ ٹی ٹوئنٹی ورلڈ کپ جیتنے کے باوجود سوریا کمار یادیو کی حالیہ فارم میں کمی اور مستقبل کی حکمتِ عملی کو مدنظر رکھتے ہوئے یہ فیصلہ کیا گیا۔
