پی ڈی ایم اے نے آندھی،ژالہ باری اور آسمانی بجلی سے پنجاب میں نقصانات سے متعلق رپورٹ جاری کردی۔
پی ڈی ایم اے رپورٹ کے مطابق 3روز کے دوران آندھی اور بارشوں سے3شہری جاں بحق،25زخمی ہوئے،میانوالی اوراٹک میں آسمانی بجلی گرنے سے 2 شہری جاں بحق ہوئے، ملتان میں بوسیدہ عمارت گرنے کے باعث1 شہری جاں بحق ہوا۔
ڈی جی پی ڈی ایم اے نےزخمیوں کو بہترین طبی امداد فراہم کرنے کی ہدایت کی ہے،وزیر اعلیٰ پنجاب کی ہدایات پر شہریوں کےنقصانات کا ازالہ کیاجائےگا۔
ڈی جی عرفان علی کاٹھیاکا کہنا ہےکہ جانبحق افراد کےلواحقین کی بھی حکومتی پالیسی کےتحت امداد یقینی بنائی جائیگی،پنجاب میں پری مون سون بارشوں کایہ سلسلہ31مئی تک جاری رہنےکی پیشگوئی ہے،لاہور،فیصل آباد،راولپنڈی، سرگودھا،بہاولپوراورملتان میں بارش اور آندھی کے امکانات ہیں،آسمانی بجلی کی گرج چمک کے دوران محفوظ مقامات پر رہیں۔
