پاکستان انٹرنیشنل ایئرلائنز (پی آئی اے) کے کلاس بی شیئرز کی قیمت میں ایک ماہ کے دوران 18 ہزار روپے کا غیر معمولی اضافہ دیکھا گیا، قیمت 4 ہزار روپے سے بڑھ کر 22 ہزار روپے تک پہنچ گئی۔ شیئرز میں غیرمعمولی تبدیلی پر اسٹاک ایکسچینج انتظامیہ نے جواب طلب کرلیا۔
قومی ایئر لائن پی آئی اے کی نجکاری کا معاملے میں اہم خبر سامنے آئی ہے، پی آئی اے کے کلاس بی شیئرز میں اچانک غیر معمولی اضافہ دیکھا گیا ہے، ایک ماہ کے دوران پی آئی اے ہولڈنگ کمپنی کلاس بی شیئرز میں 18 ہزار روپے سے زائد کا اضافہ ریکارڈ کیا گیا اور اس کے فی شیئر کی قیمت 22 ہزار روپے سے تجاوز کر گئی ہے۔
پی آئی اے کلاس بی شیئرز کی قیمت میں غیرمعمولی تبدیلی پر اسٹاک ایکسچینج انتظامیہ نے جواب طلب کرلیا۔
پاکستان انٹرنیشنل ایئرلائنز نے اپنے جوابی مراسلے میں اسٹاک ایکسچینج کو کہا ہے کہ ہم کسی ایسے معاملے یا پیشرفت سے واقف نہیں، اس ضمن میں ہمارے پاس کوئی تفصیلات دستیاب نہیں۔
