محکمہ موسمیات نے ملک کے بیشتر علاقوں میں تیز ہواؤں کیساتھ بارش کی پیشگوئی کردی۔
مکحمہ موسمیات کا کہنا ہےکہ اسلام آباد،مری، راولپنڈی،اٹک،چکوال،جہلم میں تیز ہواؤں کے ساتھ بارش ہوگی، لاہور،قصور،اوکاڑہ،شیخوپورہ،فیصل آباد،سرگودھا ،نارووال میں بھی بارش ہوگی،حافظ آباد، گوجرا نوالہ،منڈی بہاؤالدین، گجرات ،سیالکوٹ میں بادل برسیں گے،میانوالی،خوشاب،بھکر،ملتان ڈیرہ غازی خان، لیہ،جھنگ میں تیز ہواؤں اور بارش کا امکان ہے،اس دوران چند مقامات پر موسلادھار بارش کیساتھ ژالہ باری کی بھی متوقع ہے۔
اس کے علاوہ چترال،دیر،سوات، ملاکنڈ،شانگلہ میں تیز ہواؤں اور بارش کا امکان ہے، پشاور، چارسدہ، نوشہرہ، صوابی، وزیرستان میں بھی بادل برسیں گے،کوہستان، بٹگرام،مانسہرہ، ایبٹ آباد،ہری پور میں بھی تیز ہواؤں کےساتھ بارش ہوگی،اس کے علاوہ بونیر،باجوڑ،مہمند،خیبر،اورکزئی،کرم میں بھی تیز ہوائیں چلیں گی،ساتھ بارش بھی ہوگی،کوہاٹ، کرک، لکی مروت، بنوں اور ڈی آئی خان میں بھی رم جھم ہوگی،مظفر گڑھ، تونسہ شریف، خانیوال، بہاولنگر اور بہاولپور میں تیز ہواؤں اور بارش کا امکان ہے۔
دوسری جانب سندھ کے بیشتر اضلاع میں موسم شدیدگرم اور خشک رہے گا،دوپہر کے بعد ساحلی علاقوں میں تیز گرد آلود ہوائیں چلنے کی توقع ہے،بلوچستان کے بیشتر اضلاع میں موسم گرم اور خشک رہنے کا امکان ہے،ژوب،موسیٰ خیل، بارکھان، خضدار،لسبیلہ میں بارش ہو سکتی ہے۔
