وزیراعظم شہباز شریف ہنگامی دورے پر کوئٹہ پہنچ گئے، خضدار حملے کے بعد کی صورتحال اور امن و امان سے متعلق اعلیٰ سطح کا اجلاس متوقع ہے۔
وزیراعظم شہباز شریف ہنگامی دورے پر کوئٹہ پہنچ گئے، وزیر دفاع خواجہ آصف، وزیر داخلہ محسن نقوی اور وزیر اطلاعات عطاء اللہ تارڑ بھی ان کے ہمراہ ہیں۔
کوئٹہ پہنچنے پر وزیراعلیٰ بلوچستان سرفراز بگٹی نے کابینہ اراکین کے ہمراہ وزیراعظم اور وفاقی وزراء کا استقبال کیا۔
وزیراعظم شہباز شریف اہم ملاقاتوں اور بریفنگز میں شرکت کریں گے، جبکہ خضدار واقعے اور بلوچستان میں امن و امان سے متعلق اعلیٰ سطح کا اجلاس بھی متوقع ہے۔
واضح رہے کہ فیلڈ مارشل عاصم منیر بھی آج اہم دورے پر کوئٹہ پہنچ رہے ہیں۔
