اسلام آباد ہائیکورٹ عدالتی حکم کے باوجود بانی پی ٹی آئی سے ملاقات نہ کرانے پر توہین عدالت کیس میں وزیراعلیٰ خیبر پختونخوا علی امین گنڈا پور کی درخواست پر جیل حکام سے جواب طلب کرلیا گیا۔
جسٹس ارباب محمد طاہر نےعلی امین گنڈا پور کی درخواست پر سماعت کی،وکیل علی امین گنڈاپور نے کہاعدالت کے حکم کے باوجود ہماری ملاقات نہیں کرائی گئی،جس پر جسٹس ارباب محمد طاہر نے ریماکس دئیےہمارا آرڈر کیا تھا جس کی خلاف ورزی ہوئی ہے؟آپ 2024 کی بات کر رہےہیں اب تو 2025 ہے،آپ چاہتےہیں ہم کوآرڈینیٹر کے خلاف کارروائی کریں اور اسے پکڑیں،ابھی ہم صرف جیل حکام سے جواب مانگ لیتے ہیں۔
راجہ ظہور الحسن نےکہا عدالت نے کورآرڈینیٹر کےذریعے ملاقات کرانے کو کہا تھا،عدالت نے اظہاربرہمی کرتےہوئےکہاریکارڈمنگوائیں گے،غلط بیانی ثابت ہوئی تو آپ پرجرمانہ کریں گے،کوآرڈینیٹر کےذریعے ملاقات کاکہا تھا،کیا اس کے بعد ملاقات نہیں ہوئی؟
وکیل راجہ ظہور الحسن نے کہا گزشتہ ہفتے ہم اڈیالہ جیل گئے تھے لیکن ملاقات نہیں ہوسکی،بعد ازاں عدالت نے جیل حکام سے جواب طلب کرتے ہوئے سماعت ملتوی کردی۔
