بھارتی شہریوں کو امریکا میں ویزا مدت سے زیادہ قیام پر ملک بدری اور مستقل سفری پابندیوں کا سامنا ہے، امریکا کی جانب سے غیرقانونی بھارتی شہریوں کا انخلاء جاری ہے۔
ٹرمپ انتظامیہ نے بھارتی شہریوں پر زمین تنگ کردی، ملک سے نکالنے کی دھمکی بھی دے دی۔ امریکی سفارتخانے کے مطابق امریکی سرزمین پر قوانین کی خلاف ورزی برداشت نہیں ہوگی، اگر کوئی مقررہ مدت سے زیادہ قیام کرے گا تو اسے ملک بدر کیا جاسکتا ہے، مستقبل میں امریکا کا سفر کرنے پر مستقل پابندی بھی لگ سکتی ہے۔
رپورٹ کے مطابق امریکا میں سوا 7 لاکھ بھارتی غیرقانونی طور پر مقیم ہیں اور اس تعداد میں مسلسل اضافہ جاری ہے، 2023ء میں 51 ہزار بھارتیوں نے امریکا میں پناہ کی درخواست دی تھی۔
مودی حکومت میں بیروزگاری خطرناک حدوں کو چھونے لگی، اپریل میں شرح 5.1 فیصد تک جا پہنچی، بھارت کے شہری علاقوں میں بیروزگاری 6.5 فیصد ہے، جہاں نوجوان سب سے زیادہ بے روزگار ہیں۔
معاشی بدحالی اور بیروزگاری کے باعث بھارتی شہریوں کی امریکا ہجرت میں خطرناک اضافہ ہوا ہے۔
