نائب وزیراعظم اور وزیر خارجہ اسحاق ڈار نے کہاہے کہ 10مئی کی صبح سوا 8بجے مارکو روبیو کا پہلا فون آیا، مارکو روبیو نے کہا بھارت جنگ بندی کیلئے تیار ہے، میں نے کہا اگر بھارت سیزفائر کیلئے تیار ہے تو پھر ہم بھی تیار ہیں،  10مئی کو سیز فائر کی 12تک بات ہوئی،پھر 12 سے 14 تک ہوئی، آج پھر 18مئی تک سیز فائر بڑھا دی گئی ہے، مسلح افواج کی بہادری اور جوانمردی سےفتح نصیب ہوئی، بھارت کے6  طیارے اور ایک یو اے وی گرایا گیا، پاک فضائیہ فضاؤں کی کنگ بن چکی ہے  ، کچھ ممالک نے کہا جو کچھ ہوا ہے بھارت پنچ مارے گا، میں نے جواب دیا اگر بھارت پنچ مارےگا تو ہم بھی جوابی پنچ ماریں گے، بھارت کو تقریباً3ارب ڈالر کا نقصان ہو چکا ہے، بھارت کے3 رافیل،2مگ اورایک سخوئی 30تھرٹی گراہے۔

نائب وزیراعظم اسحاق ڈار نے سینیٹ میں اظہار خیال کرتے ہوئے کہا کہ پلوامہ کے وقت بھی 13دن کے بعد بھارت نے ایک قدم اٹھایا، پہلگام واقعہ کے بعد بھارت نے اٹاری بارڈ بند کیا، پاکستانیوں کے بھارتی ویزے منسوخ کر دیئے گئے، بھارت نے پاکستان کیخلاف اور بھی اقدامات کیے، بھارت نے پاکستان کے دفاعی اتاشیوں کوناپسندیدہ قرار دے کر نکل جانے کو کہا،پاکستان نے 24اپریل کو بھارتی اقدامات کا منہ توڑ جواب دیا۔اسحاق ڈار نے کہا کہ پاکستان نے بھارتی اقدامات کے جواب میں انڈین ایئرلائنز کی فضائی حدود بند کر دی، ہم نے بھارتیوں کے ویزے منسوخ کیے، سکھوں کے ویزے ختم نہیں کیے۔ انہوں نے کہا کہ ہم نے بھارتی دفاعی اتاشیوں کو پاکستان چھوڑنے کا کہہ دیا ہے ۔

انہوں نے کہا کہ پرسوں تک تقریباً 60 ممالک کے نائب وزرائے اعظم اور وزرائے خارجہ سے رابطے ہوئے، ہم نے سب سے کہا صبر کا مظاہرہ کررہے ہیں، بھارتی اقدامات کا جواب دیا، عالمی رہنماؤں کو یقین دلایا اگر بھارت کو ئی قدم نہیں اٹھائے گا تو ہم بھی کچھ نہیں کریں گے، پلوامہ میں ہم بھارت کا بیانیہ نہیں توڑ سکے، نہ ہی ہم دنیا کو قائل کر سکے، پہلگام واقعہ کے بعد وزیراعظم نے شفاف تحقیقات کی پیشکش کی، اس بار پاکستان نے بھارت کا بیانیہ نہیں بکنے دیا،  ہم نے دنیا میں ثابت کیا کہ بھارت غلط بیانی کررہاہے، کچھ ممالک نے کہا جو کچھ ہوا ہے بھارت پنچ مارے گا، میں نے جواب دیا اگر بھارت پنچ مارےگا تو ہم بھی جوابی پنچ ماریں گے۔

ہم نے سلامتی کونسل میں پہلگام واقعہ کی مذمت نہیں کی، ہم نے واضح مؤقف اپنایا بھارت نے جعفر ایکسپریس کی مذمت نہیں کی،ہم بھی نہیں کریں گے، ہم نے سلامتی کونسل کی مذمتی قرارداد میں پہلگام کے ساتھ جمہوں وکشمیر کے الفاظ لکھوائے، دوسرا ہم نے مذمتی قرارداد سے ٹی آر ایف کے الفاظ نکلوائے، ہم نے مذمتی قرارداد میں اپنے2مطالبات تسلیم کرائے،2دن قرارداد پاس نہیں ہونے دی۔ نائب وزیراعظم نے کہا کہ ہم نے کسی ملک سے جنگ بندی کی درخواست نہیں کی، میں نے بتایا60ممالک کے رہنماؤں سے رابطے ہوئے کسی کو سیزفائر کرانے کا نہیں کیا۔

نائب وزیراعظم کا کہناتھا کہ حکومت نے افواج پاکستان کو ملکی دفاع میں جوابی کارروائی کا اختیار سونپ دیاتھا، 29اور 30 اپریل کی درمیانی رات بھارتی طیارے اڑے، پاکستان کا رخ کیا، بھارت کے تقریباً 75 طیاروں نے پاکستان کا رخ کیا جن میں رافیل بھی شامل تھے، 6طیاروں نے پنجاب میں 4نے آزادکشمیرمیں حملے کیے، 2مساجد کو یہ کہہ کر شہید کیے کہ ہم نے دہشتگردوں کے ٹھکانوں کو نشانہ بنایا، پاک فضائیہ کو ہدایت تھی جو پاکستانی حدود کی خلاف ورزی کرے اسے ٹارگٹ کریں، مزید ہدایت تھی جو طیارے پاکستانی حدود میں داخل ہو کرحملہ کریں تو اس وقت ٹارگٹ کرناہے۔

اسحاق ڈار کا کہناتھا کہ ابھی کامرہ ایئر بیس سے سینیٹ اجلاس میں آیا ہوں، اسی لیے آنے میں تاخیر ہوئی، کامرہ ایئربیس پر دفاعی معاملات پر بات چیت ہوئی، اللہ کے کرم،افواج پاکستان کی بہادری سے پاکستان کو فتح نصیب ہوئی، بھارت کے6طیارے اور ایک یو اے سی گرایا گیا، بھارت نے 7مئی کی رات جھوٹ بولا کہ پاکستان نے ہماری 15فوجی تنصیبات پر حملہ کر دیا، بھارت نے پاکستان کیخلاف اکسانے کیلئے سکھ برادری کو بھی نشانہ بنانے کی کوشش کی،بھارت نے سکھ برادری کو اکسانے کیلئے امرتسر پر میزائل داغے۔

ان کا کہناتھا کہ پاکستان نے7مئی کی صبح بھی دفاع میں جوابی کارروائی کی، پاکستان نے10مئی کی صبح بھی وطن کے دفاع کیلئے منہ توڑ جواب دیا، پاکستان نےدفاعی حکمت عملی کےتحت اپنی حدود میں رہتے ہوئےدشمن کو مایوس کیا، پاکستانی طیاروں کو ہدایات تھیں اگر دشمن اسپیس کراس کرے تو فورا کارروائی کریں، جو بھارتی ڈرون پاکستانی حدود میں داخل ہوا تباہ کر دیا گیا، سات مئی کو انڈیا کو فضائی محاذ پر شرمناک ناکامی کا سامنا کرنا پڑا، پاکستانی فضائیہ کی پیشہ ورانہ مہارت اور چوکسی نےدشمن کے عزائم خاک میں ملا دیئے، بھارت نےنورخان ایئربیس سمیت دیگر تنصیبات پر حملہ کیا تو جوابی کارروائی کی گئی۔

انہوں نے کہا کہ جن طیاروں نےپاکستان کیخلاف پےلوڈ ریلیزکیا انہیں نشانہ بنانےکی پالیسی پرعمل کیا گیا، ثابت ہوگیا کہ کسی کی بالادستی نہیں، مسلح افواج کی بہادری اور جوانمردی سےفتح نصیب ہوئی، بھارت کے6  طیارے اور ایک یو اے وی گرایا گیا، پاک فضائیہ فضاؤں کی کنگ بن چکی ہے، بھارت نے 6 اور7 مئی کی درمیانی رات حملے کیے،  پنجاب کے4  اور کشمیر کے دو مقامات کو نشانہ بنایا گیا، اس دوران بھارت نے چوبیس حملے کیے، جن مقامات کو نشانہ بنایا گیا ان کو دہشتگرد ٹھکانےکہا گیا، دو مساجد کو شہید اور چار دیگر مقامات کو نشانہ بنایا گیا۔ تمام اہداف پرامن شہری مقامات نکلے بھارتی بیانیہ عالمی سطح پر بے نقاب ہو گیا۔

اسحاق ڈار کا کہناتھا کہ پوری دنیا کو دعوت ہےآئیں دیکھ کون سے مقامات دہشتگرد ٹھکانے تھے، پاکستان کا ایک جہاز بھی متاثر نہیں ہوا،   پاکستان نےیو این چارٹر کے آرٹیکل 51 کے تحت اپنے دفاع کا حق استعمال کیا۔ 10مئی کی صبح سوا 8بجے مارکو روبیو کا پہلا فون آیا، مارکو روبیو نے کہا بھارت جنگ بندی کیلئے تیار ہے، میں نے کہا اگر بھارت سیزفائر کیلئے تیار ہے تو پھر ہم بھی تیار ہیں، روبیو سے کہا آپ یقینی بنائیں گے کہ بھارت سیز فائر پرعمل کرے گا، اس فون کے بعد افواج پاکستان کو آگاہ کیا گیا اور سیز فائر کی گئی۔

نائب وزیراعظم نے کہا کہ ایک گھنٹے بعد سعودی عرب کے شہزادہ فیصل کا فون آیا، انہوں نے سیز فائر پربات کی، شہزادہ فیصل نے کہا مارکو روبیو نے سیز فائر کیلئے بات کی، میں نے گفتگو سے آگاہ کیا، شہزادہ فیصل نے کہا کیامیں جےشنکرکو آپ کے مؤقف سے آگاہ کردوں، میں نے کہا بتادیں، آدھے گھنٹے کے بعد شہزادہ فیصل نے دوبارہ رابطہ کیاکہ جے شنکر کو آگاہ کردیاگیا ہے ۔

ان کا کہناتھا کہ 10مئی کو سیز فائر کی 12تک بات ہوئی،پھر 12 سے 14 تک ہوئی، آج پھر 18مئی تک سیز فائر بڑھا دی گئی ہے، جنوری  2023سے بھارت نے پانی سے متعلق مسائل بڑھا رکھے ہیں، ورلڈ بینک کے صدر نے بھی سندھ طاس معاہدے کی خلاف ورزی پر کل بیان دے دیا۔ بھارت کو تقریباً 3 ارب ڈالر کا نقصان ہو چکا ہے، پاکستان نے بھارتی فوجی تنصیبات کو نشانہ بنایا،  ہماری افواج نے کسی بھارتی آبادی کو نشانہ نہیں بنایا، ہمارے  11فوجی شہید ہوئے،40شہری شہید ہوئے، شہدا،زخمیوں کیلئے پیکیج دے رہے ہیں، 2012میں پاکستان صرف ایک ووٹ کی برتری سے سلامتی کونسل کا رکن بناتھا۔

 سیز فائر کا ٹائم دوپہر میں ساڑھے 4  بجے ریکارڈ ہوا،  وزیراعظم نےکہا کہ امن اور جنگ دونوں کیلئےتیار ہیں،  ایوان قرارداد منظور کرے گا ،  سیزفائر کےبعد رات گئےایل اوسی پربھاری گولہ باری کی گئی جس کا بھرپورجواب دیا، مسائل سیاسی قیادت کے مذاکرات میں حل ہوں گے ،  بھارت سے جامع مذاکرات ہوں گے ۔

بھارت کے3 رافیل،2مگ اورایک سخوئی 30تھرٹی گراہے،  ہم کسی ملک کی برتری کو تسلیم نہیں کرتے، بھارت کی بالادستی کا زُعم اللہ نے زمین بوس کردیا۔ صدرٹرمپ نے بھی مسئلہ کشمیر کےحل کا لکھ دیا ،  سندھ طاس معاہدے کو معطل نہیں کیا جا سکتا ،  سندھ طاس معاہدہ میں نہ تبدیلی ہوسکتی ہے نہ ختم ہوسکتا ہے ،  بھارت کی کشمیر کو ہڑپ کرنے کی کوشش ناکام ہوگئی۔

ان کا کہناتھا کہ  بھارت کو تقریباً3ارب ڈالر کا نقصان ہو چکا ہے، پاکستان نے بھارتی فوجی تنصیبات کو نشانہ بنایا،  ہماری افواج نے کسی بھارتی آبادی کو نشانہ نہیں بنایا، ہمارے 11فوجی شہید ہوئے،40شہری شہید ہوئے، شہدا،زخمیوں کیلئے پیکیج دے رہے ہیں۔  پاکستان نےطاقت کا توازن بحال کر کے یکطرفہ بھارتی بیانیہ رد کر دیا، ٹیلی گراف رپورٹ ہے پاکستان ایئر فورس فضاؤں کی بلاشرکتِ غیرےحکمران ہے، پہلے 24 گھنٹےمیں بھارت نے 9 ڈرونز بھیجےاگلے دن 80 حملے کیے، پاکستانی فوجی تنصیبات پر حملوں میں 4 اہلکار زخمی، دشمن کو منہ توڑ جواب دیا گیا۔

اسحاق ڈار کا  کہنا تھا کہ بھارت نےنورخان ایئربیس، سکھر، رحیم یار خان پر حملے کیےپاکستان نےبھرپورجوابی کارروائی کی، پاکستان نے دشمن کی ہر حرکت پر دفاعی طور پر جواب دیا پہل کبھی نہیں کی، انٹرنیشنل میڈیا اور حکومتوں کو جھوٹے بھارتی دعوؤں پر شواہد کے ساتھ جواب دیا، F-16 کے حوالے سے بھارتی پروپیگنڈے کو امریکہ نے خود جھوٹا قرار دے دیا، بھارت کا دعویٰ کہ پاکستانی F-16 مار گرایا عالمی سطح پر مسترد کر دیا گیا۔