امریکا نے ایران پر نئی پابندیاں عائد کردیں۔ محکمہ خزانہ کا کہنا ہے ایران کے بیلسٹک میزائل کیلئے پرزے تیار کرنیوالی کمپنیوں پر پابندیاں لگائی گئیں۔
امریکی محکمہ خزانہ نے ایران اور چین پر نئی پابندیاں عائد کردیں۔ امریکا کا کہنا ہے کہ پابندیاں ایران اور چین سے تعلق رکھنے والے 6 افراد اور 12 اداروں پر عائد کی گئی ہیں۔
امریکی محکمہ خزانہ کے مطابق پابندیاں ایران کے بیلسٹک میزائل کیلئے پرزے تیار کرنے والی کمپنیوں لگائیں ہیں، پابندیوں کا مقصد ایران کو بیلسٹک میزائلوں اور ڈرون کے پرزوں کی فراہمی سے روکنا ہے، ان پابندیوں کا اطلاق ایرانی میزائل پروگرام کی نگرانے والے ادارے پر بھی ہوگا۔
دوسری جانب ایرانی وزیر خارجہ عباس عراقچی نے ڈونلڈ ٹرمپ کے ایران سے متعلق بیان پر ردعمل کا اظہار کرتے ہوئے کہا ہے کہ صدر ٹرمپ کے ایران مخالف ریمارکس فریب کے سوا کچھ بھی نہیں، امریکا وہ ملک ہے جس نے ایران کی ترقی میں رکاوٹ ڈالی، امریکا اسرائیلی جنگی جرائم پر آنکھیں بند کیوں کرلیتا ہے۔
