وفاقی دارالحکومت میں تمام تعلیمی ادارے دو روز کیلئے بند رکھنے کا فیصلہ کیا گیا ہے، ضلعی انتظامیہ نے نوٹیفکیشن جاری کردیا۔
پاک بھارت کشیدگی کے تناظر میں ملک میں موجودہ سیکیورٹی صورتحال کے پیش نظر وفاقی دارالحکومت اسلام آباد ضلعی انتظامیہ نے تمام تعلیمی ادارے بند رکھنے کا فیصلہ کیا ہے۔
ضلعی انتظامیہ نے کہا ہے کہ آئندہ دو روز تک شہر میں تمام تعلیمی ادارے بند رہیں گے۔
نوٹیفکیشن میں کہا گیا ہے کہ تعلیمی اداروں میں نجی و سرکاری اسکولز، کالجز، یونیورسٹیز، ٹریننگ انسٹیٹیوٹ بھی شامل ہیں، تعلیمی اداروں میں امتحانات معمول کے مطابق جاری رہیں گے۔
