وفاقی وزیر دفاع خواجہ آصف نے پارلیمنٹ ہاوس کے باہر میڈیا سے گفتگو کرتے ہوئے بھارت کو واضح پیغام جاری کر دیاہے ، انہوں نے کہاکہ بھارتی حملے کو دیکھیں گے ، اگر خلاف ورزی ہوئی تو ہم نے رد عمل دیناہے ۔
تفصیلات کے مطابق خواجہ آصف کا کہناتھا کہ جس طرح کا بھارت کا عمل ہوگا اسی طرح کا رد عمل دیا جائے گا، کسی کو کچھ شک نہیں ہونا چاہیے بھارت کو بھرپور جواب دیں گے، جیسے جیسے وقت گزر رہا ہے حملے کے خطرات بڑھ رہے ہیں ، دوست ممالک پڑوسی ممالک اورخطے کی بڑی طاقتیں بھی ثالثی کا کردار ادا کر رہی ہیں، دوست ممالک چاہتے ہیں کہ جنگ کی صورتحال نہ بنے۔
وزیردفاع خواجہ آصف نے کہا کہ اللہ کرے ان ممالک کی کوششوں سے بھارت کو کچھ عقل آئے، شہبازشریف نے واضح کیا ہے کہ معاملے کی بین الاقوامی سطح پر تحقیقات کروائی جائیں، عالمی تحقیقات کے مطالبے پر کوئی جواب نہیں دیا اس کا مطلب ہے دال میں کچھ کالا ہے، جے پی کو جب بھی ووٹوں کی ضرورت ہوتی ہے وہ پاکستان کو کسی نہ کسی مسئلےمیں شامل کرتا ہے، ہماری طرف سے جنگ کا آغاز نہیں ہوگا لیکن اگر جنگ مسلط کی تو بھرپور جواب دیں گے، بھارت جتنی طاقت استعمال کرے گا اس سے زیادہ ہم طاقت جواب دیں گے۔
